De ciconia

Iura mons est adhuc nivibus opertus; Boreas membra hominum flatu mordet saevo, sed una  ciconia saltem Salodurum in oppidulum iam reversa est – videlicet Hispanicis e regionibus, ubi aves illae longicrurales hiemem Helveticam fugientes hibernari solent. Salve multum, ciconia! Bene tibi sit! Utinam ne algeas in camino operiens, dum tandem aliquando sol pennas tuas radiis mulceat vernis! 

Nunc temporis quisnam non desiderat ciconias nidum facientes necnon ranarum ἔκστασιν?

Si de avibus migratoriis plura scire velis, legas commentariolum cum titulo «ver adest!», quod Iconoclastes  nudiustertius de gruibus modo in Poloniam reversis conscripsit.